Police Lëtzebuerg

D'Police Lëtzebuerg ass eng vun de gréissten Administratiounen am Land an eis Beamte sinn an de verschiddenste Beräicher aktiv. Vun der Aarbecht um Kommissariat, spezialiséierten Unitéiten an Zerwisser bis hin zu ëmfangräichen Ermëttlungen, bitt d'Police Iech vill verschidde Karriärsméiglechkeeten. 

Nieft dem Cadre policier sinn och eng Rei zivil Mataarbechter am Déngscht vun der Police. Ofhängeg vun hirem Profil schaffen si an den ënnerschiddlechsten Domainer a Karriären an dëst oft als Expert an engem bestëmmte Beruff awer och am administrative Beräich. Fir d'Police ze schaffen ass méi wéi just en Job: et ass eng Chance zur Sécherheet vum Land bäizedroen a sech fir d’Bevëlkerung z’engagéieren.