FEDIL – The Voice of Luxembourg’s Industry

D'FEDIL ass eng multisectoriell Business Federatioun, déi méi wéi 700 lëtzebuergesch Firme vertrëtt. An engem Ëmfeld, wou Digitaliséierung, technologesch an energeetesch Transitioun grouss Erausfuerderunge sinn, ass d'Sich no Talenter en entscheedend Thema. D'Kreativitéit an d'Engagement vun der jonker Generatioun wäerten d'Innovatioun an d'Industriediversifikatioun am Land fërdere. Am Dialog mat eisen Experte kënne jonk Leit a Elteren d'Karriärméiglechkeeten a Beruffer vu Muer entdecken, déi d'Industrie bitt. D'FEDIL verëffentlecht Stellenausschreiwungen a Stagë vun hire Membere, vu klengen a mëttelstännege Betriber bis zu groussen internationalen Acteuren. 35 verschidde Secteuren (Automobil, Green-Tech, Weltraum, Materialtransforméierung, IT, Chimie, Pharmazie, Bau, Ingenieurswiesen) sinn esou representéiert.

Zesumme mat der Lëtzebuerger Regierung an der Chambre de Commerce ass d'FEDIL Initiator vum Projet #HelloFuture, dee soll déi Jonk d'Industriewelt a seng Beruffer méi no bréngen (www.hellofuture.lu).