Fairtrade Lëtzebuerg

D'ONG Fairtrade Lëtzebuerg an hier Partner engagéieren sech zesumme fir e méi gerechten an nohaltegen Handel tëscht de Produzenten an Aarbechter aus Afrika, Latäinamerika, der Karibik an Asien an de Konsumenten zu Lëtzebuerg ze entwéckelen. Als Member vu Fairtrade International huet d'Lëtzebuerger ONG d'Sozial-, Wirtschafts- an Ëmweltaspekter vun engem gerechten Handel am Bléck, deen net méi als eng Alternativ, mee einfach als eng Illustratioun vun dem biergerleche Verstand betruecht gëtt. D'Zil ass et méi Respekt a Gläichheet am internationalen Handel ze erreechen.