Corps grand-ducal d’incendie et de secours (CGDIS)

De Corps grand-ducal d’incendie et de secours (CGDIS) regruppéiert all d’Acteure vun de Rettungsdéngschter zu Lëtzebuerg an engem Corps, a garantéiert sou eng effizient Organisatioun a Verwaltung op nationalem Niveau. 

D’Haaptmissioune vum CGDIS sinn de Schutz an d’Rettung vu Mënsch, Déier, Ëmwelt an Eegentum an Noutsituatiounen oder Katastrophefäll. Déi fräiwëlleg an haaptberufflech Pompjeeën hëllefen deemno souwuel bei medezineschen Noutfäll, souwéi och bei Accidenter a Feier. Dësweideren gehéiert och d’Präventioun, dorënner d’Informatioun an d’Warnung vun der Bevëlkerung bei Ausnamesituatiounen wéi z.B. Onwieder, zu de Missioune vum CGDIS. 

Den Alldag vum Pompjee bleiwwt duerch déi verschidden Aufgabeberäicher villfälteg an ofwiesslungsräich.