Centre culturel Kulturfabrik

D'Kulturfabrik ass e Kulturzenter, deen sech am Häerz vun der Groussregioun, am Süde vu Lëtzebuerg, zu Esch/Uelzecht, an de Gebaier vum ale stättesche Schlasshaff befënnt. Op 4500m2 fannen sech zwou Spektakelsäll, eng Galerie, e Kino, eng Brasserie, e Bistro an e puer Proufsäll. D'Kulturfabrik ass en engagéierten an oppenen Treffpunkt fir d'Publikum, d'Kënschtler an d'Veräiner.

Säi Programm ass villfälteg: Concerte, Festivaller, Theater, Kino, pädagogesch Projeten, Literatur, artistesch Residenzen…