ADEM Orientation Professionnelle

De Service vun der Beruffsberodung vun der ADEM (ADEM-OP) ënnerstëtzt Leit, déi sech berufflech orientéieren oder ëmorientéiere wëllen. D’ADEM-OP stellt hinnen eng Rei Dokumenter an Informatiounen iwwer d’Aarbechtswelt zur Verfügung. D’Beruffsberoder kënnen déi Jugendlech bei der Wiel vun engem Beruff begleeden, jee no Ustriewungen an de Secteuren, déi am meeschte rekrutéieren. Individuell Orientéierungsgespréicher ginn hei ugebueden an d’Beruffsberoder ënnerstëtzen déi Jonk, wann néideg, fir eng Léierplaz ze fannen. An enker Verbindung mam Aarbechtsmaart bitt d'ADEM-OP dofir Servicer, déi fir Jugendlecher ugepasst sinn, fir hinnen de Wee an d'Beruffsliewen ze erliichteren.

Kontakt

Luxembourg : (+352) 247-85480
Esch-Belval : (+352) 247-75411
Diekirch : (+352) 247-65430